ក្រូសង់កូនកាត់

រៀនធ្វើលេងៗ តែឆ្ងាញ់មែនទែន 😆 ក្រូសង់កូនកាត់​ រូបមន្តផ្លូវកាត់សម្រាប់អ្នកខ្ជិលដូចខ្ញុំ ហិហិ ជាទូទៅត្រូវចំនាយពេលយូរណាស់ដើម្បីធ្វើ តែនេះខ្ញុំធ្វើតាមយូធូប ទុកម្សៅអោយឡើង 30នាទី 2ដង ក្លាសេទូទឹកកក30នាទីម្តង និងដុត30នាទី សរុបទៅចំនាយពេលប្រហែល3 ម៉ោង​ បើក្រូសង់បារាំងយ៉ាងតិចណាស់ក៏ 10ម៉ោងជាងដែរ 😅 គ្រឿង​ផ្សំ ទឹកដោះគោស្រស់ 200ml Instant yeast 2ស្លាបព្រាកាហ្វេ ស្ករស​ 3 ស្លាបព្រា​កាហ្វេ អំបិល​ 1ស្លាបព្រាកាហ្វេ ម្សៅ​all purpose flour ឬម្សៅខេក 350gram ពង​ទាំងមូល1គ្រាប់​ ពងក្រហម1គ្រាប់(សម្រាប់លាបលើនំមុនដុត)​ ប័រសាប​ក៏បាន​ប្រៃក៏បាន 90gram របៀបធ្វើ 1. លាយរបស់រាវ កំដៅទឹកដោះគោអោយក្តៅអ៊ុនៗ រួចដាក់ស្ករស មេនំប័ុង កូរ​ចូលគ្នា​ទុក5នាទីអោយមេឡើង 2. លាយម្សៅ ចាក់ម្សៅ300ក្រាមចូលចានធំមួយ ដាក់អំបិលចូល រួចដាក់ពងទាំងមូល ហើយយកទឹកដោះគោយើងលាយមុនហ្មឹងចាក់ចូល​ ច្របល់អោចូលគ្នាល្មមបានជាដុំ រួចដកចេញពីចានយកមកច្របល់ ដោយដៃលើផ្ទៃតុ រយៈពេល3នាទីអោយម្សៅចូលសាច់គ្នាល្អ​(ពេលលុញម្សៅ កុំអោយស្អិត កុំភ្លេចរោយម្សៅលើផ្ទៃលុញណាចាស)​ រួចគ្របម្សៅទុកអោយហើម ឬឡើងចំនួន30 ទៅ45នាទី 3. យកម្សៅដែលឡើងមកលុញ និងកាត់ជា8 ចំនិត រួចលុញអោយមូល ហើយរុញសង្កត់អោយសំប៉ែតជាបន្ទះ 4. យកប័រ ដែលរាងរលាយតិចៗ មកលាបលើបន្ទះទី1រួចយកបន្ទះមួយទៀតមកដាក់ពីលើរូចលាបប័រលើបន្ទះទី2 ធ្វើបន្តបន្ទាប់រហូតទាល់តែអស់បន្ទះនំ​ បញ្ជាក់បន្ទះចុងក្រោយអត់លាបប័រទេ អាចលាបប័រច្រើនបាន ព្រោះក្រូសង់ឆ្ងាញ់ត្រង់ប័រហ្នឹងហើយ ហិហិ 5. យក​ផ្លាស្ទិច ឬ​ក្រណាត់គ្របពីលើនំដែលយើងបានលាបប័ជាបន្ទះៗ ដាក់ក្លាសេ 30នាទី​អោយប័ររឹង ក្លាសេកន្លែងធម្មតា 6. បន្ទាប់ពីប័ររឹងហើយ យើងយកចេញពីទូរហើយសង្កត់តិចៗ​ រុញអោយសំប៉ែត កាត់ជាត្រីកោណ ហើយមូលជាក្រូសង់ រួចហើយទុកនំប្រហែល​30នាទីអោយេវាឡើងធំ 7. មុនដុត យកពងក្រហម លាបពីលើនំ កំដៅម៉ាសុីនដុតជាមុនផង ដុត​ប្រហែល​30នាទី​តិច​ឬច្រើនជាងនេះអាស្រ័យលើទំហំនំ ប្រើភ្លើង160cទៅ 190​cអាស្រ័យលើទំហំម៉ាសុីន ដុតរហូតទាល់តែវាឡើងពណ៍ត្នោត golden brown 😋 បងប្អូន​អាចមើលបន្ថែមក្នុងយូធូបបាន តាមលីងខាងក្រោម /watch/ssgiI7uOYZZOi

الفئة