गजल
- सयपत्री थुलुङ
मुटुभरि छ तिम्रो याद खै कसरी थोर सम्झियौ
दुखाएर मेरो दिल संसारकै कमजोर सम्झियौ
नसम्झिनु थियो सम्झियौ छुट दिए तिमीलाई
झुटो आरोप औल्याउदै मनमुटु चोर सम्झियौ
रगत सबैको रातो भए जातमा के छ समाज?
दुई मुटुको प्रेमलाई कसरी फोहोर सम्झियौ
मेरो पनि चाहाना थियो देउरालीमा मुस्कुराउने
म भन्दा ठूलो तिम्रो विरासत बागडोर सम्झियौ
यी नयनले कसरी हेर्न सक्छु प्रियसी तिमीलाई
तिमीले समाजकै आँखाले गोताखोर सम्झियौ