فوزي سعيد | مقابلة عن فوزي موزي وتوتي بـ حركة SHARE المملكة العربية السعودية

انضموا الى صفحاتنا الرسمية: INSTAGRAM: fawzi_saeid https://www.instagram.com/fawzi_saeid/ FACEBOOK PAGE: https://www.facebook.com/fozisaeid/ https://vm.tiktok.com/JdBF7wS/ TikTok : @fawzisaeid #فوزي_موزي_وتوي #حياة_زوجية #انا_وهي فوزي سعيد | مقابلة عن فوزي موزي وتوتي بـ حركة SHARE فوزي موزي وتوتي: فوزي في نقاش مع قناة مكان ببرنامج "حركة شارع" فيه بتحاور مع المذيع بشير خوري عن حياته وانجازاته لليوم. 1:02 فوزي يتحدث عن بداية البرنامج "فوزي موزي وتوتي" وعن الصعوبات يلي واجهها. بلشت مسيرة فوزي سنة 2003 كان فيها يشتغل بالماكدونالدز وفتحوا دورة تعليم تهريج واعياد ميلاد اشتغل فيها فترة وبعدين بلش يشتغل بشكل مستقل مع اخته سماهر رفيقة الدرب المعروفة باسم "توتي". حكى عن التحديات يلي واجهتهن من تحديات جسدية مثل نقل عدة ثقيلة وسماعات. 1:55 فوزي بشارك كيف تبلورة فكرة الاسم "فوزي موزي" – بالبداية عاسم حياة جدو لفوزي كان اسمو برضو فوزي, ولقبو بالمدرسة كان فوزي موزي. فوزي شاف مجال التهريج جدًا متشابه بكل محل وكان مصر انو يخلق اشي جديد للأطفال. ومن هناك تذكر لقب الطفولة "فوزي موزي" واخته توتي معه وبلشوا بطريقهن. بالبداية فوزي دور على مستثمرين وقنوات تتبنى المشروع. سنة 2008 التقوا بقناة "ميكس" يلي انتجت اول ستة حلقات لفوزي موزي وتوتي. انما بعد ما فحصوا المضامين رفضوا يبثوا البرنامج على القناة. فوزي ما استسلم وضل يدور بعد ما القناة انباعت وما استمرت. 3:17 الفشل بداية النجاح. بعد ما لاقى فوزي فشل بأول اكم حلقة شارك فيهن ضل يدور وما تنازل عن حلمه ووعد نفسه يثبت حاله اولًا لنفسه ومن ثم لباقي العالم. بعد ما فوزي افترق من قناة ميكس, اشترى كل حقوقه بعد ما اخذ قرض وكان همة الوحيد يحقق حلمه. سنة 2014 قرر يستثمر كل اشي معو إياه ويبلش يصور وينشر عاليوتيوب, او مثل ما بسميها "منصة المنبوذين" بحكي عن تطور الحلقات من مرة بالجمعة بالعربي الى مرتين ب 5 لغات مختلفة و 300 مليون مشاهدة. 4:32 حيفا الوطن. فوزي بحكي عن أهمية تبين حالك كيف انت. بحكي كيف كل حلقات فوزي موزي وتوتي تصورو بحيفا بطرقاتها وشوارعها وخاصة وادي النسناس السوق القديم العربي القديم. وفوزي صور عالشارع عند المخبز وعند بياع الفلافل "انت اجمل ما يمكن لما بتكون ذاتك. انت اجمل ما يمكن لما بتحاولش تتصنع" 5:13 من وادي النسناس الى العالم. فوزي بشارك عن البلدان والدول يلي شارك فيها بعروض متل الامارات العراق الأردن الولايات المتحدة الامريكية وأوروبا 5:26 مضامين فوزي موزي وتوتي. بشير خوري بناقش موضوع القوة يلي بايدين فوزي للتاثير على الأطفال وكيف ممكن يستعمل القوة هاي بالتاثير إيجابيًا عليهن وعلى تعليمهن. فوزي هو مربي أجيال. فوزي بحكي عن كبر الحمل وعن المضامين الموجود بالاغاني, كلها مضامين تعليمية مثل اغنية حبوا بعض يلي بتقول "حبوا حبوا حبوا حبوا بعض حبوا كلنا مع بعض منتوحد وبالانسانية منعيش منسامح يلي زعلنا وغير الحب ممنحكيش" و 40 اغنية إضافية كلهن مع رسالة تعليمية تثقيفية للأطفال. 6:28 المجال الترفيهي في حياة الأطفال. الطفل بتعرض للتربية من جهات جدًا متنوعة ومختلفة متل المدارس الاهل الأجداد وغيرو وبدنا نعطيهن فسحة ينبسطوا فيها. المجال الترفيهي هو اكتر مجال ممكن يوصل بيوت الناس. فوزي بحكي عن الرقابة الموجودة باليوتيوب والرقابة من الاهل لاولادهن عن المضامين يلي هني بحضروها. وبالتالي صاروا الاهل ياخدوا فوزي موزي وتوتي كمضمون امن لاطفالهن, مكان يلي الطفل فيه برفه عن حاله وبتعلم أشياء جديدة. الأولاد جدًا اذكياء وبنضحكش عليهن. اذا الولد بحس انك قاعد تضحك عليه وتوعظ عليه راسًا بقلب فيديو وبكشفك. 8:20 فيديو حمار للبيع. فيديو حمار للبيع حقق 300 مليون مشاهدة لما فوزي موزي راح يشتري حمار وعفو وعدي ضحكوا عليه واسامة البياع كان بدو يبيع الحمار كمان مرة لفوزي. مشهد تصور بحيفا مش بسيارة او يخت انما بشارع مع حمار. 8:52 ارقام يوتيوب. فوزي بشارك تجربتو مع اليوتيوب واسئلة الناس اذا هل اليوتيوب فعلًا مصدر رزق. فوزي بوضح انو اليوتيوب منصة مفتوحة وبتفوت مصاري, انما الاستثمار بالتصوير وانتاح الحلقات هو جدًا كبير والطاقم العمل نفسه جدًا كبير. عائلة فوزي موزي وتوتي تضم حوالي ال 30 عامل وعاملة تحت سقف مكتب في حيفا 9:24 انا وهي. غير فوزي موزي وتوتي, فوزي بشتغل على مشروع جديد اسمه "انا وهي" فترة الكورونا كلها والقعدة بيت خلت فوزي يكتشف انو هو "عبد" لمرته وبناته التنتين وبشارك كيف بلش يصور فيديوهات قصيرة وكيف هاي الفيديوهات لاقت اعجاب واقبال فيهن بصور فوزي حياتو بالبيت وكيف الحياة اليوم مش زي باب الحارة الزلمة حاكم, انما المرأة هي الحاكمة والقوية 10:24 العبرة يلي فوزي بدو يوصلها من وراء هاد البرنامج هي انو الزلام مش لازم يخافوا من المرة القوية والذكية, بالعكس. هاي المرأة هي قوة وراح توقف حدك للابد ولما نساعد النسوان بالبيت احنا منكون عم نهون عليهن ونساعدهن. بشير خوري برجع فوزي على بيته وبعبر عن احترامه وتقديره لفوزي وشو عم بحقق وفوزي بشاركه انو حلمه يوثل فوزي موزي وتوتي لدور السينما العالمية.

الفئة